MVF प्रक्रिया
महाराष्ट्राच्या समृद्ध भविष्यासाठी आणि महाराष्ट्र व्हिजन फोरममध्ये सहभागी होण्यासाठी ४ सोप्या स्टेप्स
मतदान
नोंदणी
सबमिट
सादरीकरण
मतदान
नोंदणी
सबमिट
सादरीकरण
MVF मतदान
तुमच्या दृष्टिकोणातून अतिमहत्वाचे प्रश्न अर्थात महाराष्ट्राच्या समृद्ध भविष्यासाठीचे ३ प्रमुख मुद्दे निवडा.
भूक
सर्वांना पौष्टिक आणि पुरेशा अन्न उपलब्धतेद्वारे कुपोषण आणि भूक समस्यांचे निर्मूलन करणे.
शिक्षण
सर्व स्तरातील मुलांना परवडेल अशा जागतिक दर्जाच्या शिक्षणासाठी समान संधी उबलब्ध करून देणे.
अनुसूचित जाती आणि जमातींचे कल्याण
सर्वसमावेशक समाजाची निर्मिती करणे, जिथे अनुसूचित जाती आणि जमातींना समान अधिकार, सन्मानाची वागणूक, सामाजिक न्याय आणि संधीची समानता मिळेल.
हवामान बदल
विविध प्रदूषणांमुळे जागतिक हवामानात घडत असलेले बदल आटोक्यात आणण्याच्या दृष्टीने आपल्या राज्याने पुढाकार घेऊन नागरिकांना जागरूक बनवणे.
उद्योग
अत्याधुनिक पायाभूत सोयी-सुविधांसह महाराष्ट्राचे रूपांतर जागतिक दर्जाच्या उद्योगसमूह, स्टार्ट-अप्स आणि इनोव्हेशन हबमध्ये करणे.
ऊर्जा
प्रत्येक घराला परवडेल अशा दर्जेदार ऊर्जेचा आणि नैसर्गिक ऊर्जास्रोतांचा खात्रीशीर २४ तास वीज पुरवठा होईल याची सुनिश्चीतता करणे.
रोजगार
युवांना प्राधान्य देऊन राज्याच्या प्रगतीत भागीदार बनवण्यासाठी रोजगाराच्या विविध संधी उपलब्ध करून देणे.
प्रादेशिक असमानता
महाराष्ट्रातील सर्व जिल्ह्यांचा मानवी विकास निर्देशांक उंचावणे. (HDI गुण ०.८ पेक्षा जास्त)
गृहनिर्माण
महाराष्ट्राला झोपडपट्टीमुक्त व बेघरमुक्त बनवण्यासाठी सरसकट सर्वांना निवारा उपलब्ध करून देणे.
स्वच्छता
महाराष्ट्र हे देशातील सर्वात स्वच्छ राज्य व्हावे यासाठी सर्व शहरे कचरामुक्त करणे.
गरिबी
गरिबी दूर करून प्रत्येक नागरिकाचे जीवनमान उंचावणे.
संस्कृती आणि पर्यटन
महाराष्ट्राला लाभलेला समृद्ध ऐतिहासिक आणि सांस्कृतिक वारसा जपण्यासाठी तसेच मराठी अस्मितेचा प्रचार व प्रसार करण्यासाठी पर्यटनाला प्रोत्साहन देणे.
वायू प्रदूषण
महाराष्ट्रातील प्रत्येक नागरिकासाठी हवेची गुणवत्ता राखण्यासाठी प्रदूषण अटोक्यात आणणे.
पिण्याचे पाणी
प्रत्येक घराला २४ तास नळाचे पाणी मिळेल याची सुनिश्चीतता करणे.
लिंग समानता
सर्व महिलांना समान दर्जाच्या संधी उपलब्ध करून, पुरुषसत्ताक पद्धतीतील सामाजिक-आर्थिक तसेच राजकीय क्षेत्रातील विषमता दूर करणे.
आरोग्यसेवा
शारीरिक आणि मानसिक आरोग्य निरोगी आणि सुव्यस्थित ठेवण्यासाठी सर्वांना परवडेल अशा उच्च दर्जाच्या आरोग्य सेवा प्रदान करणे.
कायदा आणि सुव्यवस्था
महाराष्ट्राला गुन्हेगारी मुक्त करून, नागरिकांना सुरक्षित आणि संरक्षित वाटेल अशी एकोप्याची भावना निर्माण करणे.
खेळ
महाराष्ट्र ही भारताची क्रीडा राजधानी व्हावी यासाठी जागतिक दर्जाच्या सोयीसुविधा उपलब्ध करून देऊन खेळाडूंना जागतिक स्तरावरील खेळांमध्ये सर्वोत्तम कामगिरी करण्यासाठी प्रोत्साहित करणे.
शेती
शेतकऱ्यांच्या उत्पन्नात वाढ करण्यासाठी कृषी कर्जात घट करण्याबरोबरच हवामानपूरक कृषी प्रणाली विकसित करणे.
इतर व्हिजन पॉईंट
तुमचा स्वतःचा व्हिजन पॉईंट महाराष्ट्रासाठी लिहा.
MVF संकल्पना
MVF संकल्पना
‘महाराष्ट्र व्हिजन फोरम’(MVF) हे राज्यातील युवांसाठी राजकीय आणि धोरण प्रक्रियेवर प्रभाव टाकून महाराष्ट्रासाठी युवा केंद्रित अजेंडा तयार करण्यासाठीचे एक व्यासपीठ आहे. MVF महाराष्ट्रातील युवांना एकत्र आणण्यासाठी एक चळवळ उभारण्याचा प्रयत्न करत आहे. राज्याचा ७५ वा वर्धापन दिन २०३५ मध्ये साजरा करण्यात येणार आहे, तोपर्यंत सर्वसमावेशक शाश्वत विकास साधण्यासाठी राज्यातील युवांच्या सहभागाने अजेंडा तयार करण्याचा MVF चा प्रयत्न आहे. महाराष्ट्राच्या उत्कर्षाचे दिवस परत आणण्यासाठी आणि पुन्हा एकदा देशातील पहिल्या क्रमांकाचे राज्य बनण्यासाठी युवांच्या सृजनशील विचारांचा उपयोग करणे हे MVF चे उद्दिष्ट आहे.
डाउनलोड ब्रोचरMVF समर्थक
सहभागी व्हा : महाराष्ट्र व्हिजन फोरमला कोण पाठिंबा देतंय पाहा
श्री महेश झगडे, IAS (Rtd.)
महेश झगडे हे महाराष्ट्र राज्य सरकारमध्ये मुख्य सचिव म्हणून कार्यरत राहिले असून, त्यांनी आजवर भारतीय प्रशासकीय सेवेच्या माध्यमातून देशासाठी ३७ वर्षे सेवा दिली आहे. युवांच्या कल्पनांना बळ आणि त्यांना वेगवेगळ्या नावीन्यपूर्ण बाबींसाठी प्रोत्साहन देणारे व्याख्याते म्हणून त्यांची आज महाराष्ट्रात ओळख आहे.
श्री सतीश मगर
श्री.सतीश मगर हे प्रतिष्ठित बांधकाम व्यावसायिक आहेत, तसेच मगरपट्टा टाऊनशिप डेव्हलपमेंट अँड कन्स्ट्रक्शन कंपनी लिमिटेडचे व्यवस्थापकीय संचालक आणि कॉन्फेडरेशन ऑफ रिअल इस्टेट डेव्हलपर्स असोसिएशन ऑफ इंडिया (CREDAI) चे अध्यक्ष देखील आहेत. श्री. सतीश मगर यांनी शेतकऱ्यांना सोबत घेऊन बांधकाम क्षेत्रात अनोखे सहकारी मॉडेल निर्माण केले आहे.
श्री नागराज मंजुळे
नागराज मंजुळे हे सुप्रसिद्ध मराठी चित्रपट निर्माता, दिग्दर्शक, अभिनेता, पटकथा लेखक आणि कवी आहेत. सैराट या चित्रपटासाठी त्यांना मानाचे राष्ट्रीय चित्रपट पुरस्कार मिळाला आहे.
श्रीमती. चेतना सिन्हा
चेतना सिन्हा या मानदेशी फाउंडेशन आणि मानदेशी महिला बँकेच्या संस्थापिका आहेत. नामांकित नारी पुरस्कार प्राप्त चेतना यांनी भारतातील पहिली ग्रामीण महिला बँक आणि ग्रामीण महिला उद्योजकांसाठी पहिली व्यावसायिक प्रशिक्षण संस्था सुरू केली.
श्री प्रदीप लोखंडे
प्रदीप लोखंडे, हे भारतातील पोस्ट कार्ड मॅन म्हणून प्रसिद्ध आहेत. ते रूरल रिलेशन्सचे संस्थापक असून त्यांनी भारतातील ४९,००० गावांमधील ग्रामीण ग्राहकांचा डेटाबेस तयार केला आहे. लायब्ररी मॅन म्हणून त्यांची ओळख आहे, त्यांनी जगातील सर्वात मोठ्या ग्रामीण वाचन उपक्रमाची संकल्पना प्रत्यक्ष अमलात आणली आहे.
डॉ रझिया पटेल
डॉ. रझिया पटेल या मुस्लिम महिला संविधान हक परिषदेच्या राज्य संयोजक आणि युवा संघर्ष वाहिनीच्या राष्ट्रीय समन्वयक म्हणून काम पाहतात. तसेच पत्रकार म्हणून डॉ. पटेल यांनी साधना मासिकाचे उपसंपादक म्हणून काम करत आहेत.
श्री हेरंब कुलकर्णी
शिक्षणतज्ज्ञ श्री. कुलकर्णी यांनी महाराष्ट्र शासनाच्या शाळाबाह्य मुलांवरील समितीचे सदस्य म्हणून काम केले आहेत. ते एक प्रसिद्ध लेखक असून त्यांनी विविध सामाजिक विषयांवर १४+ पुस्तके लिहिली आहेत.
अ‍ॅड. अनिकेत निकम
अनिकेत निकम हे प्रसिद्ध वकील असून ते मुंबई उच्च न्यायालय आणि भारताच्या सर्वोच्च न्यायालयात प्रॅक्टिस करतात.
श्री सचिन इटकर
श्री. सचिन इटकर हे फार्मासिस्ट असून त्यांच्याकडे फार्मास्युटिकल तंत्रज्ञानाच्या क्षेत्रात पाच पेटंट आहेत. ते स्ट्रॅटेजिक फोरसाइट ग्रुप (SFG) सोबत काम करत असून त्यांना २००६ साली ‘यंग अचिव्हर्स अवॉर्ड’ तसेच २०१० साली राष्ट्रीय बंधुता पुरस्काराने सन्मानित करण्यात आले होते. ते सूर्यदत्तचे सल्लागार मंडळाचे सदस्य व स्ट्रॅटेजिक फोरसाइट ग्रुपचे वरिष्ठ कार्यक्रम सल्लागार देखील आहेत. त्यांनी अलायन्स फॉर यूएस-इंडिया बिझनेस (AUSIB) सोबत जवळून काम केले आहे. ग्रामीण महाराष्ट्रातील शिक्षणाचा दर्जा सुधारण्याचा प्रयत्न करणाऱ्या ‘अराइज अँड अवेक फाउंडेशन’चे संस्थापक देखील ते आहेत.
श्री विलास शिंदे
श्री. शिंदे हे सह्याद्री फार्मर्स प्रोड्युसर कंपनी लिमिटेड, नाशिकचे चेअरमन आहेत ज्याची सुरुवात त्यांनी २०१० मध्ये १ लाख रुपयांच्या गुंतवणुकीने केली होती. १०० शेतकर्‍यांसह शेतकरी उत्पादक कंपनी (FPC) ची स्थापना केली जी सहकारी संस्था आणि खाजगी मर्यादित कंपनीचा संकर आहे. शेतकरी उत्पादक कंपनीच्या माध्यमातून शेतकऱ्यांना त्यांनी बाजारपेठ उपलब्ध करून दिली. आज, १२०० फळ उत्पादकांनी ५०० एकरांवर आधुनिक व्हिटिकल्चरसह व्यवस्थापित केलेला हा सर्वात यशस्वी उपक्रम आहे. याशिवाय, सह्याद्री फार्म्स ही भारतातील फळे आणि भाजीपाला निर्यात करणारी आघाडीची कंपनी आहे.
डॉ. हमीद दाभोलकर
डॉ. हमीद हे प्रशिक्षित मनोचिकित्सक आहेत व सामुदायिक मानसिक आरोग्यामध्ये त्यांची आस्था आहे. त्यांना गुलाबराव शेळके समाजभूषण पुरस्काराने सन्मानित करण्यात आले होते. डॉ. हमीद हे दिवंगत पद्मश्री पुरस्कार विजेते, सामाजिक कार्यकर्ते, विवेकवादी आणि महाराष्ट्रातील लेखक डॉ. नरेंद्र दाभोलकर यांचे पुत्र आहेत. अंधश्रद्धेशी लढण्यासाठी समर्पित असलेल्या महाराष्ट्र अंधश्रद्धा निर्मूलन समिती (ANIS) चे सक्रिय सदस्य आहेत. त्यांचा फ्रेंड्स ऑफ माइंड (MANS) नावाचा सेल देखील आहे.
डॉ. नरेश बोडखे
डॉ. नरेश बोडखे हे इंटरनॅशनल इकॉनॉमिक्स असोसिएटचे स्कॉलर व गोखले इन्स्टिट्यूटमध्ये अर्थशास्त्राचे प्राध्यापक आहेत. सध्या ते सीसीआय (Competition Commission of India) विभागात संचालक म्हणून प्रतिनियुक्तीवर आहेत. त्यांनी ग्रामीण विकास नियोजन, प्रादेशिक विकास धोरणे आणि राज्य वित्तपुरवठा इत्यादी विषयांवर संशोधन केले आहेत. तसेच त्यांनी महाराष्ट्रातील संतुलित प्रादेशिक विकास आणि पंधराव्या वित्त आयोगाच्या उच्चस्तरीय समितीसोबतही काम केले आहे.
श्री. मनोज शिंदे
श्री. शिंदे हे मराठी उद्योजक असून tCognition Inc चे संस्थापक आणि CEO आहेत. त्यांना ग्राहक खाती व्यवस्थापित करण्याचा, संपूर्ण जागतिक ऑपरेशन्सवर देखरेख ठेवण्याचा तसेच कंपनीसाठी नवीन तंत्रज्ञानाच्या गरजा ओळखण्याचा ३०+ वर्षांचा IT क्षेत्राचा अनुभव आहे. त्यांनी संपूर्ण क्षेत्रासाठी सिबेल सिस्टीम्स आणि मायक्रोसॉफ्ट बिझनेस सोल्युशन (CRM) सह भागीदारी यशस्वीपणे सुरू केली ज्यामुळे tCognition च्या कन्सल्टन्सी आणि आउटसोर्सिंग सेवांमध्ये वाढ झाली.
प्रा. आनंद मेणसे
प्रा. मेणसे हे बेळगावच्या जीएसएस कॉलेजचे माजी प्राचार्य आहेत. त्याचबरोबर ते लेखक, स्तंभलेखक आणि सामाजिक कार्यकर्ते देखील आहेत. प्रा. मेणसे हे त्यांच्या शिक्षण, कामगार हक्क, पत्रकारिता आणि सहकारी संस्थांच्या प्रचारासाठी केलेल्या कार्यासाठी ओळखले जातात.
MVF लाईव्ह काउंटर
महाराष्ट्र व्हिजन फोरमवर लोकसहभाग दर्शवणारी आकडेवारी
578413
MVF मतदार
44463
MVF सदस्य
40743
MVF कॅप्टन्स
MVF गॅलरी
महाराष्ट्र व्हिजन फोरमबद्दल अपडेट्स मिळवा
MVF वृत्त
महाराष्ट्र व्हिजन फोरमबद्दल ताज्या बातम्या आणि अपडेट्स
Source: Loksatta | January 13, 2023
युवा केंद्रित कार्यक्रम पत्रिकेसाठी महाराष्ट्र विजन फोरमचे व्यासपीठ
राज्यातील सुमारे साठ टक्के लोकसंख्या चाळीस वर्षाखालील असले, तरी सार्वजनिक धोरण यंत्रणेत युवकांचा सहभाग अत्यल्प आहे. चाळीस वर्षांखालील खासदार आणि आमदारांचे प्रतिनिधित्वही विषय आहे. तरुणांसाठी असे कोणतेही व्यासपीठ नाही जिथे शासन आणि धोरणनिर्मिती प्रक्रियेत युवा वर्ग उपयुक्त योगदान देऊ शकेल. ही बाब लक्षात घेऊन महाराष्ट्र विजन फोरमची स्थापना करण्यात आली आहे...पुढे वाचा
Source: Max Maharashtra | January 13, 2023
युवांना मिळणार त्यांच्या प्रश्नासाठी व्यासपीठ
महाराष्ट्र हे देशातील सर्वात प्रगतीशील राज्यांपैकी एक आहे. मात्र, SDG इंडिया इंडेक्स – २०२० (क्रमांक ९), सामाजिक प्रगती निर्देशांक (क्रमांक २९) अशा विविध निर्देशांकामधून महाराष्ट्र बाहेर पडला आहे. महाराष्ट्रातील सुमारे ६० टक्के लोकसंख्या ही ४० वर्षाखालील युवांची आहे. मात्र, सार्वजनिक धोरण आणि नियंत्रण या यंत्रणेत युवा वर्गाचा सहभाग हा अत्यल्प आहे. तर दुसरीकडे संसद आणि विधिमंडळांमध्येही या वर्गाचे प्रतिनिधीत्व कमीच आहे. शासन आणि धोरणनिर्मितीच्या प्रक्रियेत युवा वर्ग आपले योगदान देऊ शकेल, असे कोणतेही व्यासपीठ महाराष्ट्रात उपलब्ध नव्हते, त्यामुळे ही उणीव भरून काढण्याचे काम महाराष्ट्र व्हिजन फोरम करणार आहे, अशी माहिती आमदार रोहित पवार यांनी दिली...पुढे वाचा
Source: Pudhari | January 13, 2023
महाराष्ट्र व्हिजन फोरमची स्थापना : आमदार रोहित पवार यांची माहिती
राजकीय आणि धोरण प्रक्रियेसंदर्भातील युवाकेंद्रित कार्यक्रम पत्रिका तयार करण्याचे व्यासपीठ राज्यातील युवकांना उपलब्ध झाले आहे. शाश्वत विकास साधण्यासाठी योग्य कार्यक्रम पत्रिका तयार करण्यासाठी महाराष्ट्र व्हिजन फोरमची स्थापना करण्यात आली आहे. युवकांना एकत्र आणण्यासाठी एक चळवळ या माध्यमातून उभी केली जाईल तसेच हे राजकीय व्यासपीठ नसेल अशी माहिती आमदार रोहित पवार यांनी दिली...पुढे वाचा
Source: Hello Maharashtra | January 13, 2023
महाराष्ट्र व्हिजन फोरम म्हणजे राज्याच्या भविष्यातील अनेक प्रश्नांवर तोडगा काढू शकणारा सामाजिक उपक्रम
राज्यात मोठया प्रमाणावर डिसगाईस युथ आहे. त्या युवकांना सोबत घेत, राज्याचा विकास व्हावा ही अतोनात इच्छा असणाऱ्या नागरिकांना संधी देणारं व्यासपीठ म्हणजे महाराष्ट्र व्हिजन फोरम. कोणत्याही संस्थेला यशस्वी व्हायचे असेल तर सर्वोत्कृष्ट मनुष्यबळ आणि आवश्यक संसाधन यांची आवश्यकता असते. महाराष्ट्राकडे या दोन्ही बाबी मोठ्या प्रमाणावर आहेत, गरज आहे ती फक्त मार्गदर्शनाची तीच गरज महाराष्ट्र व्हिजन फोरम पूर्ण करेल. तसेच यातून अनेक चांगले नेतृत्व देखील समोर येऊ शकतात असा सार्थ विश्वास आमदार रोहित पवार यांनी व्यक्त केला...पुढे वाचा
Source: Smart Punekar News | January 13, 2023
महाराष्ट्रातील युवकांसाठी महाराष्ट्र व्हिजन फोरमचे व्यासपीठ उपलब्ध
महाराष्ट्रातील युवकांसाठी महाराष्ट्र व्हिजन फोरमचे व्यासपीठ उपलब्ध झाले आहे. या माध्यमातून युवा आणि नागरिक ऑनलाईन पद्धतीने मतदान करून राज्यातील महत्त्वाच्या समस्या निश्चित करुन त्यावर उपाययोजना सुचवू शकणार आहेत. मतदानाच्या माध्यमातून पुढं आलेल्या सर्वाधिक महत्त्वाच्या समस्यांवर आणि त्यावरील उपाययोजनांवर १ मे रोजी ‘व्हिजन डाक्युमेंट’ बनविण्यात येणार आहेत. #MVF मध्ये कला, महिला, विधी, ऊर्जा, कृषी, प्रशासन, अर्थकारण आदी विविध क्षेत्रात काम करणाऱ्या अनुभवी व्यक्ती मेंटॉर म्हणून काम करत आहेत. युवा, नागरिक आणि मेंटॉर या सर्वांच्या मदतीने तयार होणारं ‘व्हिजन डॉक्युमेंट’ हे राज्याच्या विकासाला दिशा देणारं सर्वाधिक पारदर्शक धोरण असेल...पुढे वाचा
Source: Divya Marathi | February 3rd, 2023
महाराष्ट्र व्हिजन फोरम:व्हिजन फोरमवर 20 दिवसांत दीड लाख युवकांचा प्रतिसाद
युवकदिनी १२ जानेवारीपासून सुरू केलेल्या महाराष्ट्र व्हिजन फोरममध्ये २० दिवसांत १ लाख ५७ हजार ५१० युवकांनी सहभाग नोंदवला...पुढे वाचा
Source: Maharashtra Times | February 6th, 2023
रोहित पवारांचा विद्यार्थ्यांसोबत संवाद, प्रश्नांना आमदारांचं खणखणीत उत्तर
संगमेश्वर महाविद्यालयात रोहित पवारांनी विद्यार्थ्यांसोबत संवाद साधला. तुम्ही मुख्यमंत्री झालात तर काय कराल?, असा प्रश्न विद्यार्थ्याने रोहित पवारांना विचारला. माझी टीम कशी जिंकेल यावर लक्ष देईन, असं खणखणीत उत्तर रोहित पवारांनी विद्यार्थ्याला दिलं....पुढे वाचा
Source: Mahanagarnews | February 25th, 2023
तुम्ही मुख्यमंत्री झाल्यावर काय करणार? आमदार रोहित पवार म्हणाले
नाशिकच्या केटीएचएम महाविद्यालयातील विद्यार्थ्यांशी आमदार रोहित पवार यांनी संवाद साधला....पुढे वाचा
Source: abp live | February 25th, 2023
Nashik Rohit Pawar: MVF at KTHM College, Nashik
आमदार रोहित पवार यांच्या माध्यमातून देशभरातील युवा वर्गाशी संवाद साधण्यासाठी व्यासपीठ उपलब्ध करून दिले आहे. युवकांना एकत्र आणण्यासाठी एक चळवळ या माध्यमातून उभी केली जाईल....पुढे वाचा
Source: mymahanagar.com | February 25th, 2023
कॅप्टन बनवा किंवा उप कॅप्टन मी टिम जिंकण्यासाठीच प्रयत्न करतो : रोहित पवार
महाराष्ट्र व्हिजन फोरम या युवाकेंद्रित उपक्रमांतर्गत मविप्र समाजाच्या रावसाहेब थोरात सभागृहात रोहित पवार यांनी विद्यार्थ्यांशी संवाद साधला....पुढे वाचा
MVF FAQs
MVF संदर्भात वारंवार विचारले जाणारे प्रश्न
MVF मध्ये सहभागी होण्याच्या ४ सोप्या पायऱ्या आहेत:
१) महाराष्ट्रातील महत्वाच्या प्रश्न सोडवण्यासाठी प्राधान्यक्रम द्या.
२) महाराष्ट्रातील सर्वात महत्वाच्या प्रश्नावर उपाययोजना आखण्यासाठी नोंदणी करा.
३) महाराष्ट्रातील ज्वलंत प्रश्नावर आपली उपाययोजना नोंदवा.
४) महाराष्ट्रासाठी आखलेली उपाययोजना उद्योजक व धोरणकर्त्यांसमोर मांडा.
युवा वर्गाला सोबत घेऊनच महाराष्ट्र हे एक विकसित राज्य बनू शकते यावर रोहित पवार यांचा ठाम विश्वास आहे. त्यांचा विश्वास आहे की राज्याच्या तरुण आणि उत्साही युवा वर्गामध्ये सर्वसमावेशक विकास, रोजगार निर्मिती आणि राज्याला समृद्धीकडे घेऊन जाण्याची क्षमता आहे.
महाराष्ट्र व्हिजन फोरमच्या माध्यमातून, सन २०३५ साली साजऱ्या होणाऱ्या राज्याच्या ७५ व्या वर्धापन दिनापर्यंत शाश्वत आणि सर्वांगीण विकास साधण्यासाठी राज्याच्या धोरण निर्मिती प्रक्रियेत युवांच्या सहभागाला प्रोत्साहन देणे हे रोहित पवार यांचे उद्दिष्ट आहे. राज्यातील तरुणांशी थेट संवाद साधून आणि त्यांना मार्गदर्शन करून, महाराष्ट्राला देशातील क्रमांक १ चे राज्य बनवण्याच्या त्यांच्या ध्येयासाठी कटिबद्ध असलेल्या तरुण समुदायाला ताकद देण्याची त्यांची अपेक्षा आहे.
-
Follow us on:
